Era Galicia un puro val ou oco

de densidade verde e fume morno.

Era Galicia a chaira mais espida,

inerte néboa sobre illó de lodo.

Era Galicia esguío vento agudo

encrequenando en si tódalas cousas.

Era Galicia un arbre lentamente

ensumíndose un pouco cada hora.

Era Galicia un mar cen abós de terra

sen vengar, mudos ecos que nos moven.

Era Galicia un mar perfectamente

denso, sen luz e con sabor a homes.

Era Galicia a patria do traballo

de nunca terminar, pola boroa.

Era Galicia un home sen cabeza.

Era unha vez Galicia, espranza angosta.

***

Xosé Luís Méndez Ferrín (1938)

Ourense - Galiza

***********************************************

Boas noites amiga
dígoche dende a cárcere
neste espacio de sombras
limitadas a carne.
Promotorio de pelos
elévase no sangue
e a luz coma un cheirume
esvara, negra, amante.
Detéñense as palabras
os pensamentos pairan
coma un morcego tépedo
a corazón se cala.
Na cadea hai menceres
de neboa en cada ollada
e ratas grises fanche
un burato na ialma.
Hai unha door cega
que cada cousa mancha
e podremias antigas
ao corazón se engarran.
A espiral da tortura
as pantasmas odiadas
o libro do silencio
e a tristura probada.
Rematan nista noite
ou miña ben amada
pra escomezaren logo
a mañán coma lama.
Boas noites amiga
digoche dende a carcere
mentralo teu recordo
froitifícame, árdeme.

***

Xosé Luís Méndez Ferrín ( 1938)

Ourense - Galiza

******************************************

Boas noites amiga
digo-te desde o cárcere
neste espaço de sombras
limitadas a carne.
Promontório de pelos
eleva-se no sangue
e a luz como un perfume
resvala, negra, amante.
Detêm-se as palavras
os pensamentos pairam
como um morcego temperado
o coração se cala.
Na cadeia há amanheceres
de nevoeiro en cada olhar
e ratas cinzentas fazem-te
un buraco na alma.
Há uma dor cega
que tudo mancha
e podridões antigas
ao coração se agarram.
A espiral da tortura
os fantasmas odiados
o libro do silêncio
e a tristeza provada.
Terminam nesta noite
oh! minha bem amada
para começarem logo
de manhã como lama.
Boas noites amiga
digo-te desde o cárcere
enquanto a tua recordação
frutifica-me, arde-me.

[trad: cas]