a poesía sucede cando estoupan as palabras
(distorsionan, interrompen, crean interferencias, deveñen libres)

-cando era pequena viaxabamos veloces no R-4 do papá
tiñamos aqueles ollos cobizosos e non contemplabamos nada, viaxabamos,
na paisaxe física e mental
coa mesma forza agatuñabamos árbores, sentabamos á sombra do eucalipto e recolliamos os restos da merenda,
ruínas
-milleiros de veces a mesma canción
o corpo deslocado

-non me sirve o idioma dos meus antepasados
non me sirve esta mirada educada na contemplación
non teño senón monstros dentro de mín, e as maletas feitas da viaxe nunca iniciada,

querendo encher o universo de sentido cando o que falta ainda é que haxa primeiro un universo

-e nós nel,
perdendo o tempo en actos milimetrados, previsíbeis, extenuantes
(isto non é un poema, se segues a ler corres o perigo de que che estoupe a cabeza,
e eu non me fago responsábel)

a poesía sucede cando a ferida se abre e se fai accesíbel, cando te apropias da ferida e non é que lle deas un nome senón que é máis ben un clúster de significados que se entrecruzan e converxen no idioma,

as máquinas* devecen pola producción,
os poemas chaman uns polos outros,
as ruínas van gañando terreo aos fundamentos

non hai maneira de afastarse

_________

*fendas na paisaxe social sen adscrición de clase, partido ou sindicato

***

raida rodriguez mosquera

(ourense, 1980)

**********************

viches como a serie de acontecementos non conseguiu apagar

os teus passos

e corriches canto puideches para entrar a tempo no círculo,

mais o outono traía

ollos cheos de rabia, ollares e ollares a devolveren o xeo que

botaras pola boca ti,

canto animal debruzado no espello, cantos paraísos e

fertilidade e nocións claras e distintas das cales dispuñas

como se os planetas e estrelas todos respondesen á tua voz,

vidro quente, metal líquido, unha vez cazado o demo que

te pariu, xa nada che parece imposíbel, xa nada pertence

a ninguén, unha sólida paisaxe, unha nube desas de sabor

incerto, o teu pasado cartón-pedra-tesouro, o material

erótico da princesa na torre do método cartesiano,

logo coñecín un pintor sen armas e así era, así, todo el cara

ao horizonte, e amei nel a negrura, e a derrota, e os

nomes, AUTUMN TEARS, FOSCOR, IN FLAMES,

LACRIMOSA, NARSILION, bocas a aseguraren unha

redención innecesaria, valai porque deixei aquela fe, a

flor atravesando o coitelo, a proximidade, NUMEN,

idioma ferido pola beleza, beleza destinada a morrer nos

ollos do espectador, e converterse en mensaxe, quérote,

ANIMAL HUMANO, RACIONAL, ESPELLO

INMUTABILIDADE SEXO SEM ARMAS SEM

ALMA SEM nomes, os nomes

era preciso crear un universo para traerte outra vez á memoria,

NUMEN, o meu amor polo deus hastado,

eras ti,

na ausência de voces, de linguas, de luces de neon, de cores

brillantes, obtiven a alta médica e mudeime ao interior do

volcán, así quentiña, paso todo o dia a esmagar

A matéria da cal están feitos os soños

***

Raida Rodriguez Mosquera (1980)

Ourense - Galiza

***************************

viste como a série de acontecimentos não conseguiu apagar

os teus passos

e correste quanto pudeste para entrar a tempo no círculo,

mas o Outono trazia

olhos cheios de raiva, olhares e olhares a devolverem o gelo que

deitaras pela boca tu,

quanto animal debruçado no espelho, quantos paraísos e

fertilidade e noções claras e distintas das quais dispunhas

como se os planetas e estrelas todos respondessem à tua voz,

vidro quente, metal líquido, uma vez caçado o diabo que

te pariu, já nada te parece impossível, já nada pertence

a ninguém, uma sólida paisagem, uma nuvem dessas de sabor

incerto, o teu passado cartão-pedra-tesouro, o material

erótico da princesa na torre do método cartesiano,

logo conheci um pintor sem armas e asim era, asim, todo ele rumo

ao horizonte, e amei nele a negrura, e a derrota, e os

nomes, AUTUMN TEARS, FOSCOR, IN FLAMES,

LACRIMOSA, NARSILION, bocas a assegurarem uma

redenção desnecessária, eis porque deixei aquela fé, a

flor atravessando a faca, a proximidade, NUMEN,

idioma ferido pela beleza, beleza destinada a morrer nos

olhos do espectador, e converter-se em mensagem, quero-te,

ANIMAL HUMANO, RACIONAL, ESPELHO

IMUTABILIDADE SEXO SEM ARMAS SEM

ALMA SEM nomes, os nomes

era preciso criar um universo para trazer-te outra vez à memória,

NUMEN, o meu amor pelo deus com hastes,

eras tu,

na ausência de vozes, de línguas, de luzes de néon, de cores

brilhantes, obtive a alta médica e mudei-me para o interior do

vulcão, assim quentinha, passo todo o dia a esmagar

a matéria da qual estão feitos os sonhos

[trad: cas]