Tristemente convivo coa túa ausencia
sobrevivo á distancia que nos nega
mentres bordeo a fronteira entre dous mundos
sen decidir cal deles pode darme
a calma que me esixo para amarte
sen sufrir pola túa indiferencia
a miña retirada preventiva
dunha batalla que xa sei perdida
resolto a non entrar xamais en ti
pero non á tortura de evitarte.

***

lois pereiro

*

A inmersión no silencio é o que distingue

ós que aman con espirito suicida

dos que somentes son

un soño breve

Na viaxe nocturna que emprendemos

polo interior do corpo diferente

un acto de amor é un fluído urxente

de suor bágoas e esperma

contra o medo

palabras desarmadas

desexos que se perden

na néboa de mil noites
entre as sabas revoltas

polo feroz presente

de dous corpos que esquecen     

***

Lois Pereiro (1958-1996)

Monforte de Lemos - Galiza

***********************************

A imersão no silêncio é o que distingue

os que amam com espírito suicida

dos que somente são

um sonho breve

Na viagem nocturna que empreendemos

pelo interior do corpo diferente

um acto de amor é um fluído urgente

de suor lágrimas e esperma

contra o medo

palavras desarmadas

desejos que se perdem

na névoa de mil noites
entre as lençóis revoltos

pelo feroz presente

de dois corpos que esquecem     

 [trad: cas]