quero o dereito de autodeterminación

da miña habitación

convoquei un referendo

mais como son abstencionista

tivéronse que repetir as eleccións

nun bucle infinito

ante tal situación

fixen loita armada

contra min mesmo

e practiquei o terrorismo de estado

de igual maneira

pactei unha trégua

co alter ego

e agora estou en proceso de paz

indefinido.

***

alfonso rodríguez

(orense, 1973)

Aquí agochéite contra o corazón
E batín auga por riba do teu lombo
Mentras toda mollada rías e voabas
Nesta paz atopéime agochado nas cóbregas
Indicáchesme con detalles e xestos
Das luces estampadas no teu vestido de cores
Inundáchesme cun sorriso inmenso, inabarcable
Que me fixo mergullar miles de veces
Sen complexos nin enfermidades
Para mergullar (de novo)
Aquí pensamos, amamos, estudamos,
Non rezamos, cantamos e maldecímonos
Durante gatas e gatas
Subimos e baixamos no ascensor
Alcanzando a paz por veces
E por veces quixemos plantexar guerras
Pero decidimos que non valía a pena.
Comimos mandarinas, pasteliños, amoras,
Chocolate, carne e peixe
E todas esas cousas para ter enerxía
Esa que ás veces nos falta
E ás veces nos sobra.
Acarretamos provisións e compartimos
Doamos, danzamos, suamos,
Morrimos tantas veces, tantas
Como resucitamos e ata dimos mourada.
Tivemos frío nos dentes pechamos a boca
Tivemos esguinces de pés á cabeza
Solucionados e asolucionados
Tivemos calor e rabia a raudais
E raudais de soños, desexo e amor
Que conseguiremos seguir tendo
Se nos ollamos como sabemos
Poñemos un pé diante doutro eŠ
Voilá! Camiñamos a onde sexa
Acompañados coas nosas distancias
Que tenden atoparse aquí ou alí.

***
alfonso rodriguez

******************************

Crarearan as mans pola resequedade

están brancas de alerxias

están abafadas de células nai

mais muda a pel

como muda o pelo nos gatos de maio

cada intre que pasa son menos eu

e no espello só miro para ollo de sangue

infraestruturas quebradas

caen como os berros dos nenos e nenas

ao saíren das aulas

botan adrenalina pola boca

mentras eu trágoa rebozada de fume

soa a soedade nas campas da catedral

mentras pasa un carro hipotecado pola rua mollada

hai centos de maneiras de comunicarse

eu escollín a dos índios

sendo fillo de vaqueiros

cunha sensibilidade especial pólos sorrisos

que non gasto

que non vês pólo meu egoísmo

fundado por unha ética arcaica

pisoteada… en perigo de extinción.

***

Alfonso Rodríguez (1973)

Ourense – Galiza

****************************

Clarearam as mãos pela secura

estão brancas de alergias

estão abafadas de células mãe

mas muda a pele

como muda o pelo nos gatos de maio

cada instante que passa sou menos eu

e no espelho só olho para olho de sangue

infraestruturas quebradas

caem como os berros dos meninos e meninas

a saírem das aulas

deitam adrenalina pela boca

enquanto eu a devoro envolta em fumo

soa a solidão nos sinos da catedral

enquanto passa um carro hipotecado pela rua molhada

há centenas de maneiras de comunicar-se

eu escolhi a dos índios

sendo filho de vaqueiros

com uma sensibilidade especial pelos sorrisos

que não gasto

que não vês pelo meu egoísmo

apoiado por uma ética arcaica

espezinhada… em perigo de extinção.

[trad: cas]