de todos os meus poemas inéditos

este é o meu preferido

este, que non di nada,

que se aproxima á estupidez

cando ti o les

eu sento no trono máis leve do mundo

estamos unidos por un chisco de herba

por unha manchiña de papel

estamos unidos por un capricho na sucesión do tempo

porque ti non viviches antes ca min

eu podo dicilo

unidos como a palavra lazaward e a palabra azul

como a vítima ao seu verdugo

algo tan tenue entre os dous

que nin sequera sei se existe

o meu inédito preferido

nin volverei falar do tema

***

estibaliz espinosa

coruña, 1974

*****************