CON anacos d'o meu interior

fago xogos de mans

   sollar d'o sol encol

d'os agros y-o silenzo que alborexa

   Con anacos de min

                           Xogador.

   Un sotil son de lonxe

                           fío claro

   A tristura d'os eixos abate n-os pinos

   N-a corredoira d'a fonte van passos

   Un paxaro que pasa cortando a fenestra

   Con anacos de min

                           Non reparo.

   Con anacos dó meu interior

   malabarescamentes

   enrabesadamentes

   auto-rompecabezador.

***

Manuel Antonio

Rianxo - Galiza (1900 - 1930) 

*************************************